Այսօր կառավարության նիստի ժամանակ, որը վարել է վարչապետ Տիգրան Սարգսյանը, գործադիրը հաստատել է Երեւանի առաջին ավագանու առաջին նիստի անցկացման կանոնակարգը։ Սահմանվել է, որ որոշումն ուժի մեջ է մտնում Երեւանի ավագանու առաջին ընտրությունների արդյունքով ավագանու անդամների ընտրվելու վերաբերյալ որոշման պաշտոնական հրապարակումից հետո` հաջորդ երկուշաբթի օրը։ Հաստատվել է նաեւ Երեւանի քաղաքապետի առաջին երդման արարողության կարգը։ Կառավարության մամլո ծառայության փոխանցմամբ`երկու օր ժամկետ է տրվել` շահագրգիռ նախարարությունների ու գերատեսչությունների հետ նախագծերը մեկ անգամ եւս քննարկելու եւ վերջնական տեսքի բերելու համար։