Երեկ երեկոյան Ստեփանակերտի մշակույթի եւ երիտասարդության պալատում տեղի ունեցավ բրիտանացի հայտնի լուսանկարիչ Պոլ Մելորի լուսանկարների ցուցահանդեսի բացման արարողությունը, որին մասնակցում էր նաեւ ինքը` հեղինակը: «Հայացք` դեպի անցյալ, աչք` դեպի ապագա» խորագրով ցուցահանդեսում ներկայացված են հեղինակի այն լուսանկարները, որոնք ներկայացնում են  Ղարաբաղի եւ Հայաստանի կյանքը, առօրյան ու կենցաղը: Պոլ Մելորն առաջին անգամ Արցախ էր եկել 2001թ. ու որոշել լուսանկարներով աշխարհի ուշադրությունը սեւեռել ղարաբաղյան խնդրին, ղարաբաղցիների կյանքին ու առօրյային: Lուսանկարներների միջոցով Փոլ Մելորը փորձում է աջակցել նաեւ կնոջ` Քեթի Մելորի կողմից հիմնադրված BirthLink հիմնադրամի գործունեությանը, ինչի շնորհիվ այսօր Ստեփանակերտի մանկական հիվանդանոցում նորածինների բաժանմունք է գործում` ժամանակակից սարքավորումներով հագեցած: Կազմակերպությունը ծրագիր է իրականացնում նաեւ ծննդատան` մոր եւ մանկան առողջության պահպանման կենտրոնում: Լուսանկարները ցուցադրվել են նաեւ Բոստոնում, Օքսֆորդում, Լոնդոնում եւ  Երեւանում: