Պրահայում Թուրքիայի նախագահ Աբդուլլա Գյուլի հետ հանդիպումից հետո Սերժ Սարգսյանը հայտրարել է, թե հանդիպման ընթացքում իրենք պայմանավորվել են հարգել պայմանավորվածությունները: «ՉԻ» - Շատ խորիմաստ և բովանդակալից հայտարարություն է: Իսկ մեզ թվում էր, թե պայմանավորվել են չհարգել պայմանավորվածությունները: Մնում է ընդամենը պարզել, թե այդ ի՞նչ էին պայմանավորվել կողմերը, որ հիմա էլ որոշել են դրանք հարգել: Ըստ երևույթին` Սերժ Սարգսյանը նեղվել է, որ հենց նույն օրը Թուրքիայի վարչապետ Էրդողանը հերթական անգամ հայտարարել է, թե ՄԱԿ-ի Անվտանգության խորհուրդը պիտի Հայաստանին ագրեսոր ճանաչի, իսկ հայ-թուրքական սահմանը կբացվի միայն ղարաբաղյան խնդրի կարգավորումից հետո: Հա, բայց ի՞նչ կա նեղվելու: Թուրքիան ինչ իրեն պետք էր, արդեն ստացել է, հետևաբար, «պայմանավորվածությունները հարգելու» կարիք չունի, և Սերժ Սարգսյանը միայն ինքն իրենից կարող է նեղանալ այս իրավիճակի համար: Կամ էլ թող հրապարակի «պայմանավորվածությունները», ու թող բոլորը համոզվեն, որ Թուրքիան իսկապես դրանք խախտում է: Թե՞ «հեչ հրապարակելու բան չի»: