Տեսանյութեր
Լուսանկարներ
Համահայկական հիմնադրամի արցախյան օրեր
«Հայաստան» համահայկական հիմնադրամի Արցախյան քառօրյակի շրջանակներում այսօր կայացավ Հադրութի շրջանային բուժմիավորման վերանորոգված շենքի բացման արարողությունը, որին մասնակցում էին ԼՂՀ նախագահ Բակո Սահակյանը, «Հայաստան» համահայկական հիմնադրամի պատվիրակությունը` հիմնադրամի գործադիր տնօրենի պաշտոնակատար Արա Վարդանյանի գլխավորությամբ:
ԱՄՆ Արեւմտյան շրջանի տեղական մարմնի ֆինանսավորմամբ հիմնանորոգված շենքի բացման արարողությունից հետո պատվիրակությունը մեկնեց Հադրութի շրջանի Տող գյուղ: Այստեղ հյուրերն այցելեցին Տողի միջնակարգ դպրոցը, որի վերակառուցման գործում նույնպես մեծ ներդրում ունի ԱՄՆ Արեւմտյան շրջանի տեղական մարմինը, ինչպես նաեւ Հայ բարեգործական ընդհանուր միությունը եւ Դեմիրճյան-Մանուկյան դպրոցը:
Հիմնադրամի քառօրյակը մեկնարկել է դեռեւս երեկ: Հյուրերն առաջինն այցելել են Ստեփանակերտի թիվ 11 դպրոց, որտեղ ծանոթացել են դպրոցի նոր շենքի կառուցման ընթացքին:
Քիչ հետո համահայկական հիմնադրամի պատվիրակությունը հանդիպում կունենա ԼՂՀ վարչապետ Արա Հարությունյանի հետ, իսկ վաղը կայցելեն Մարտունու շրջանի Բերդաշեն եւ Սպիտակաշեն գյուղերը, որտեղ հիմնադրամն իրականացնում է ծրագրեր:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել