Ընդամենը երկու շաբաթ հետո կավարտվի Երևանի ավագանու ընտրությունների քարոզարշավի փուլը, որը մեկնարկել էր մայիսի 2-ից և ավարտվելու է մայիսի 29-ին: սակայն ավագանու բոլոր յոթ ուժերը չէ, որ քարոզարշավի փուլում հաջողացրել են երևանցիներին հավուր պատշաճի մատուցել իրենց համամասնական ցուցակի և քաղաքապետի իրենց թեկնածուի առավելությունները մյուս թեկնածուների համեմատ: Անցած 13 օրերի քարոզարշավի փուլը գնահատելու համար «Առավոտը» զրուցեց քաղաքական տեխնոլոգ Արմեն Բադալյանի հետ: Նա ասաց, որ կխոսի միայն առաջիկա ընտրություններում ֆավորիտ համարվող երեք ուժերի քարոզարշավի մասին, որովհետև կան կուսակցություններ` ՀՅԴ-ն, ՕԵԿ-ը, ԺԿ-ն և ՀԱՍԿ-ը, որոնք, Ա. Բադալյանի գնահատմամբ, յոթ տոկոսանոց շեմը հաղթահարելու շանս չունեն: