«Աշտարակ» բժշկական կենտրոնից մի քանի օր առաջ ոստիկանության Աշտարակի բաժնում հաղորդում էր ստացվել, որ կրծքավանդակի 2-րդ և 3-րդ կողոսկրերի վնասվածքով բուժօգնության է դիմել 50-ամյա Վահան Գ.-ն: Մեկնած օպերատիվ խումբը պարզել էր, որ նշված բժշկական կենտրոնի մուտքի մոտ Վահան Գ.-ին ծեծի էր ենթարկել և վնասվածքներ պատճառել ոմն Հոսո: 

Վահան Գ.-ին տրվել էր դատաբժշկի ուղեգիր: Բացատրական աշխատանքների շնորհիվ երեկ՝ ժամը 17:00-ի սահմաններում, ոստիկանության Աշտարակի բաժին է ներկայացել 24-ամյա Հովսեփ Մ.-ն և տվել ինքնախոստովանական բացատրություն, որ օգոստոսի 15-ին Վահան Գ.-ին ծեծի է ենթարկել և վերջինիս պատճառել վնասվածքներ: Այս մասին հայտնում են ոստիկանության լրատվության վարչությունից: