Երեկ Ազգային ժողովի պատգամավորները «փակ-գաղտնի քվերակությամբ» ԱԺ փոխնախագահի պաշտոնում ընտրել են ՀՀկ խորհրդարանական խմբակցության քարտուղար, Մարտի 1-2-ի դեպքերն ուսւոմնասիրող ժամանակավոր հանձնաժողովի նախագահ Սամվել Նիկոյանին: Թերևս նրա զբաղեցրած հենց այս վերջին պաշտոնն էլ դեր խաղաց խմբակցության քարտուղարից ԱԺ փոխնախագահի պաշտոնին հասնելու համար, քանի որ շատերի կարծիքով` այդպիսով իշխանությունները փոխհատուցեցին Ս. Նիկոյանին Մարտի 1-2-ի դեպքերն ուսւոմնասիրող ժամանակվոր հանձնաժողովի նախագահի պաշտոնում «քրտնաջան աշխատանքի» համար: Բնականաբար, ինքը` Սամվել Նիկոյանը համաձայն չէ այդ տեսակետի հետ: «Եթե կա թափուր տեղ, ապա ինչո՞ւ ոչ ես»,- ի պատասխան իր պաշտոնական առաջխաղացման մասին տեսակետների` թերթի հետ զրույցում ասել է արդեն ԱԺ փոխնախագահ Ս. Նիկոյանը: