Երևանի ավագանու ընտրության շուրջ ծավալվող զարգացումները հրամայական են դարձնում վերլուծել քաղաքապետ ընտրվելու հավակնորդներից մեկի` Լ. Տեր-Պետրոսյանի քարոզարշավի ուղղվածությունը, որն երևանցիների առօրյա հոգսերի հետ և ոչ մի ընդհանուր եզր չունի և ամբողջովին վերաբերում է իշխանությունների վարած արտաքին քաղաքականությանը: Ավա~ղ, անպտուղ, հետն էլ նրա կողմից պետության համար վտանգավոր փորձեր են արվում նսեմացնել մեր դիվանագիտության բացառիկ համարձակ քայլերը, որոնց շնորհիվ, անկասկած, ճեղքում է արձանագրվել հայ-թուրքական հարաբերությունների հաստատմանն ուղղված գործառույթներում: Ավելին, բուռն գործունեություն է ծավալվում Հայաստանի և Լեռնային Ղարաբաղի ժողովրդին, ինչպես նաև աշխարհասփյուռ հայությանը, արտաքին հարաբերությունների ոլորտում ակնհայտ դարձած դրական միտումները հրամցնել որպես լուրջ ձախողում, մեր դիվանագիտության «ապիկարության ու պարտության հետևանք»: