Այսօր` ժամը 01.30-ի սահմաններում, թիվ 3 կլինիկական հիվանդանոցից ոստիկանության Կենտրոնականի բաժնում հաղորդում է ստացվել, որ բեկորային վնասվածքներով իրենց մոտ են տեղափոխվել 40-ամյա Արթուր Հ.-ն և 26-ամյա Էդգար Ա.-ն: Պարզվել է, որ դրանից կես ժամ առաջ Նար-Դոսի փողոցի թիվ 75 շենքի մոտ անհայտ անձը հրացանով կրակել է վերջիններիս ուղղությամբ և պատճառել վնասվածքներ: «Կատարվում է նախաքննություն»,- տեղեկացնում է ոստիկանության մամլո ծառայությունը: