Այսօր Հայաստանը և Ռուսաստանը ստորագրել են միջկառավարական համաձայնագիր` Ռուսաստանի կողմից 500 մլն ամերիկյան դոլարի վարկ տրամադրելու վերաբերյալ: Ռուսաստանի Դաշնության ֆինանսների նախարար Ալեքսեյ Կուդրինը և ՀՀ ֆինանսների նախարար Տիգրան Դավթյանը այսօր ստորագրել են համաձայնագիրը: «Ինտերֆակս» գործակալության փոխանցմամբ, Ալեքսեյ Կուդրինը նշել է, որ վարկը տրամադրվում է LIBOR + 3% տոկոսադրույքով, որը այս պահի դրությամբ կազմում է 4 տոկոսվարկը տրամադրվում է 15 տարի մարման ժամկետով, որից առաջին 5 տարին` արտոնյալ կարգով, այսինքն` առաջին հինգ տարվա ընթացքում պետք է վճարել միայն տոկոսադրույքը, որը, ըստ ՌԴ ֆինանսների նախարարի, «լավ պայմաններ են»: Տ. Դավթյանն իր կողմից հավելել է, որ  վարկային միջոցները կուղղվեն ենթակառուցվածքներին առնչվող ծրագրերի իրականացմանը, ինչճպես նաև փոքր և միջին ձեռնարկություններին: «Վարկը կուղղվի Հայաստանի տնտեսության աջակցությանը»,- հավելել է ՀՀ ֆինանսների նախարարը: