ԼՂՀ կառավարության որոշմամբ` Շուշիի շրջանի վարչակազմի ղեկավար Վարդան Գաբրիելյանն ազատվել է զբաղեցրած պաշտոնից, որն այսուհետ կզբաղեցնի Գեորգի Հայրիյանը, որը զբաղեցնում էր Ստեփանակերտի փոխքաղաքապետի պաշտոնը: Այսօր այս որոշումը հրապարակել է վարչապետ Արա Հարությունյանը` կառավարության նիստի ժամանակ: Նա միաժամանակ տեղեկացրել է, որ «Հայաստան» համահայկական հիմնադրամի կողմից կազմակերպվելիք այս տարվա հեռուստամարաթոնի արդյունքում հանգանակված գումարներն ուղղվելու են Շուշի քաղաքի վերականգնմանը: Վարչապետը հավաստիացրել է նաեւ, որ կառավարության կողմից էլ են այդ ուղղությամբ քայլեր ձեռնարկվելու, ուստի «շրջվարչակազմի ղեկավարի դերը մեծ է լինելու»: