Կապանի քաղաքապետի տեղակալ Գագիկ Ղահրամանյանը, պաշտոնատար այլ անձինք, սովորական քաղաքացիներ, ՀՅԴ «Արամ Մանուկյան» կոմիտեի ներկայացուցիչները վաղ առավոտյան ծաղիկներ դրեցին  «Վերածնունդ» հուշակոթողին` հարգանքի տուրք մատուցելով առաջին Հանրապետության հիմնադիր Արամ Մանուկյանին:

Հետո նրանք քայլեթրով շարժվեցին դեպի Գարեգին Նժդեհի հուշահամալիր, որտեղ եւս ծաղկեդրման արարողություն տեղի ունեցավ: Հարգանքի տուրք մատուցվեց նաեւ Բաղաբուրջի հուշահամալիրում` մերօրյա պատերազմի նահատակների հիշատակին: «Ազատամարտ» կոմիտեի նախագահ Խորեն Հարությունյանի խոսքով, Կապանի ինքնապաշտպանության գումարտակի անդամները այսօր ուխտ կնքեցին` ամեն տարի հավաքվելու: «Կուսկացական պատկանելիույթւոնը կապ չունի, շատերը ասում են, սա դաշնակցականների տոնն է, բայց այն բոլորիսն է»-ասաց Խ. Հարությունյանը: Կեսօրին Արամ Մանուկյանի ծննդավայր` Դավիթ-բեկում տեղի կունենա հանդիսություն: