«Չորրորդ իշխանություն» օրաթերթի լրագրող Գոհար Վեզիրյանը և «Չորրորդ իշխանություն» և «Առավոտ» օրաթերթերի ֆոտոլրագրող Գագիկ Շամշյանը այժմ գտնվում են Կենտրոն համայնքի ոստիկանությունում: Նրանք գնացել են հաղորդում տալու իրենց նկատմամբ կիրառված բռնության մասին: Գագիկ Շամշյանը հեռախոսով մեր թղթակիցին տեղեկացրեց, որ բռնությունն իրականացրել են ԱԺ պատգամավոր Լևոն Սարգսյանի (Ալրաղացի Լյով) սափրագլուխները: Գագիկ Շամշյանը տեղեկացրեց, որ սափրագլուխնեը ոտքերով հարվածել են Գոհար Վեզիրյանին: Մանրամասները կներկայացնենք, երբ լրագրողները դուրս գան ոստիկանությունից: