Հունիսի 5-ին` Շրջակա միջավայրի համաշխարհային օրվա կապացկությամբ բնապահպանները, ինչպես նշված է նրանց տարածած հաղորդագրության մեջ, «հոգատար և սրտացավ վերաբերմունքի կոչով դիմում են մեր համաքաղաքացիներին...»:

Բարձրաձայնենք մեր մայր բնության ցավոտ խնդիրները. Հիշեցնենք, տեղեկացնենք մարդկանց օրեցօր ավելի ու ավելի խոցելի դարձող բնության վերքերի մասին. Թեղուտի ջարդը, ողբացող Սևանը, ուրանի ուրվականը, կռնատ Երևանը...

Երթին ներկա կգտնվի բարձրաստիճան պաշտոնյաների բացակայությունը: Ինչպես նաև բնությունը պաշտող, նրա մասնիկը կազմող մի հոծ բազմություն... Հ.Գ. Երթն իրենց մասնակցությամբ կզարդարեն նաև հայոց բնաշխարհի կենդանիներն ու բույսերը: Երթը կմեկնարկի հունիսի 5-ին, ժամը 18:30-ին, Կոնսերվատորիայի այգուց