Երեկ Աբովյան քաղաքում գտնվող Կոտայքի ընդհանուր իրավասության դատարանում «ԱԺ պատգամավոր Սասուն Միքայելյանի գործով» մեղադրողներ Կորյուն Փիլոյանը և Արամ Ամիրզադյանը հանդես են եկել մեղադրական ճառով: Նրանք դատարանին միջնորդել են Սասուն Միքայելյանին մեղավոր ճանաչել Քր.օր. 225-րդ հոդվածի առաջին մասով (զանգվածային անկարգությունների կազմակերպում) և 235-րդ հոդվածի առաջին և երկրորդ մասերով (ապօրինի զենք-զինամթերք ձեռք բերել-պահել): Մեղադրողները դատարանին առաջարկել են Սասուն Միքայելյանին դատապարտել 9 տարի ազատազրկման: