Երեկ առավոտից սկսած՝ իրանահայ լրատվական կայքերից մեկը՝ «Իրանահայերը», դարձել է հակերների ծանր հարձակումների թիրախ, ինչի արդյունքում նույն օրվա կեսօրվանից անջատվել է կայքէջ-ընթերցող կապը:

«Արաքս» շաբաթաթերթը հայտնում է, որ վերջին շրջանում «Իրանահայերը» այցելու-ընթերցողների մեծ շրջանակ էր ձեռք բերել մանավանդ Նոր Ջուղայի Սբ. Ամենափրկիչ վանքի կողոպուտի ու 5-րդ Համահայկական խաղերի ակտիվ լուսաբանմամբ, ինչը շատերին դուր չէր գալիս՝ թուրքերից սկսած ու վերջացրած մենատիրությամբ ու անգիտակցությամբ տառապող հայերով:

Ըստ «Արաքսի» տեղեկությունների՝ «Իրանահայերի» կայքի պատասխանատուները աշխատում են հնարավորինս արագ այն վերականգնել և հավանաբար այս երեկոյան կայքն արդեն կաշխատի: