Հունիսի 8-ին Սյունիքի մարզից տեղեկություն է ստացվել, որ ժամը 02.40-ի սահմաններում Գորիսի «Դիտակետ» կոչվող տարածքից մարդ է նետվել ձորը, և անհրաժեշտ է փրկարարների օգնությունը: Ժամը 02.45-ին դեպքի վայր է մեկնել մեկ մարտական հաշվարկ: Փրկարարների ուժերով ձորից դուրս է բերվել Գորիսի Թումանյան նրբանցքի թիվ 5 տան բնակիչ, 1986 թ. ծնված Խաչատուր Հայրումյանի դիակը: Հունիսի 4-ին  1-03 ծառայությունից տեղեկություն է ստացվել, որ Երևանի Դավթաշենի կամրջի տակ քաղաքացի է ջրախեղդ եղել, և անհրաժեշտ է փրկարարների օգնությունը: Փրկարարների ուժերով ջրից դուրս է բերվել Երևանի Այգեստան թաղամասի 239 տան բնակիչ, 1948թ ծնված Էդվարդ Նավասարդյանի դիակը և հանձնվել 1-03 ծառայության աշխատակիցներին: Դեպքի մասին տեղյակ է պահվել 1-02 ծառայությունը: Հունիսի 4-ին  Լոռու մարզից տեղեկություն է ստացվել, որ Ստեփանավան-Տաշիր ավտոճանապարհի 4-րդ կմ-ին` ձախակողմյան 3-րդ լճում հայտնաբերվել է դիակ: Դեպքի վայր է մեկնել մարզային փրկարար վարչության փրկարարական ջոկատը: Փրկարարների ուժերով լճից դուրս է բերվել 40-50 տարեկան տղամարդու կիսաքայքայված դիակ և հանձնվել իրավապահ մարմիններին: Պարզվել է դիակի ինքնությունը` 2008 թ. դեկտեմբերի 15-ից որոնման մեջ գտնվող, Վանաձորի Ուսանողական փողոցի թիվ 16ա շենքի 5-րդ բնակարանի բնակիչ, 1956 թ. ծնված Սաշիկ Զավենի Անտինյան: Այս մասին հայտնում է ԱԻ նախարարության ՀՀ արտակարգ իրավիճակների նախարարության Հայաստանի փրկարար ծառայության տեղեկատվության եւ հասարակայնության հետ կապերի բաժինը: