Հունիսի 5-ին ոստիկանության Կենտրոնականի բաժնի երկու աշխատակից այցելել են 1972 թ. ծնված Արշալույս Հ.-ի բնակարան` հատուկ քննչական ծառայության քննիչի մոտ հարցաքննության ներկայանալու համար ծանուցագիրը հանձնելու: Ոստիկանության լրատվության վարչության փոխանցմամբ` Արշալույս Հ.-ն, գտնվելով ոչ սթափ վիճակում, իր բնակարանում ծանուցագիրը ստանալու կտրոնի վրա ստորագրել է ոչ համապատասխան տեղում, ինչի համար ոստիկանության ծառայողները նրան դիտողություն են արել: Սակայն վերջինս հայհոյանքներ է տվել ոստիկանության ծառայողների հասցեին, ծխախոտի այրվող գլանակը նետել ոստիկանի վրա, ստեղծել քաշքշուկ և շարունակելով հայհոյանքները` բռունցքով հարվածել նրան և ապտակել մյուս ոստիկանին: «Օգնության հասած ոստիկանության ծառայողների օգնությամբ Արշալույս Հ.-ն բերման է ենթարկվել բաժին: Ոստիկանության 2 աշխատակցին տրվել է դատաբժշկական փորձաքննության ներկայանալու որոշում: Կատարվում է նախաքննություն»: