Երեկ ԼՂՀ Նախագահ Բակո Սահակյանը Անվտանգության խորհրդի նիստ է հրավիրել, որի ընթացքում քննարկվել են հացահատիկային կուլտուրաների բերքահավաքի կազմակերպմանն առնչվող հարցեր: Ինչպես տեղեկացնում են նախագահի աշխատակազմի տեղեկատվության գլխավոր վարչությունից, հրդեհների դեմ պայքարը եւ հացահատիկային մշակաբույսերի անվտանգ բերքահավաքն արդյունավետ կերպով կազմակերպելու նպատակով Բակո Սահակյանը կառավարությանը հանձնարարել է մինչեւ 2009թ. հունիսի 15-ը ձեւավորել օպերատիվ շտաբ` հանրապետության գյուղատնտեսության նախարարի գլխավորությամբ:

Երկրի ղեկավարը ընդգծել է, որ հանրապետության համար կենսական նշանակություն ունեցող այս խնդրի հաջող եւ արդյունավետ լուծման նպատակով բոլոր կառույցներից եւ գերատեսչություններից պահանջվում է համատեղ եւ համակարգված աշխատանք, ավելացնելով, որ ողջ գործընթացը գտնվելու է իր անմիջական վերահսկողության տակ: