Տեսանյութեր
Լուսանկարներ
Համաներումը չի կարելի քաղաքականացնել
Արդեն լուծարված Փաստահավաք խմբում կոալիցիայի ներկայացուցիչ Ռոբերտ Ավագյանը կտրականապես դեմ է համաներումը մարտիմեկյան ձախողված հեղաշրջման հետ կապելուն: ինչո՞ւ :
Ընդհանրապես, համաներումը տարածվում է ոչ մեծ ծանրության հանցագործությունների վրա: Ե'վ սովետի օրոք, և' Հայաստանի հանրապետությունում կարծեմ այդպես էր: Սա մեկ:
Երկրորդ` եթե վաղը այդպիսի համաներում լինի, նույն մարդիկ ասելու են` տեսեք մենք ճիշտ էինք, և իշխանություններն ստիպված եղան համաներում շնորհել: Ճիշտ այնպես, ինչպես հիմա ասում են` տեսեք, Համլետ Թադևոսյանի մահվան հանգամանքները բացահայտվեցին ոչ ի նպաստ իշխանության, դրա համար էլ Փաստահավաք խումբը «միտումնավոր» կազմալուծվեց:
Համաներումը կապել մարտի 1-2-ի իրադարձությունների հետ` կնշանակեր դա քաղաքականացնել, ինչն անընդունելի է: Եթե այդ ձևակերպմամբ ընդունվի համաներումը, վստահ եմ, հետևանքները ավելի բացասական կլինեն, քան դրական: Համենայն դեպս չեմ հիշում որևիցե նախադեպ, երբ համաներումը կապվել է մեկ առանձին իրադարձության հետ կամ ընդունվել է առանձին անձանց ազատ արձակելու նպատակադրումով:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել