Վրաստանի գազատրանսպորտային ընկերությունը «ՀայՌուսգազարդին» պաշտոնապես տեղեկացրել է, որ Հայաստան բնական գազի մատակարարումը ժամանակավորապես դադարեցվելու է: Վրացական ընկերությունը հունիսի 16-ից 21-ը նախատեսում է իրականացնել Ղազախ-Սագուրամո 1000 մմ տրամագծով 3,6 կմ երկարությամբ նոր կառուցված հատվածի միացման աշխատանքները: Ըստ «ՀայՌուսգազարդի» հասարակայնության հետ կապերի ծառայության` այս ընթացքում հանրապետության գազամատակարարումը կիրականացվի առանց սահմանափակումների Աբովյանի ստորգետնյա գազապահեստ-կայանից: