ՀՀ վճռաբեկ դատարանի մամուլի քարտուղարը տեղեկացնում է, որ 2009 թվականի մայիսի 31-ի Երևանի ավագանու ընտրությունների կապակցությամբ Երևան քաղաքի Մալաթիա-Սեբաստիա համայնքի ընդհանուր իրավասության առաջին ատյանի դատարան սույն թվականի հունիսի 10-ին մուտքագրվել է քրեական գործն ըստ մեղադրանքի Նորիկ Միշայի Եղիազարյանի և Արմեն Հայկազի Օհանյանի` ՀՀ քրեական օրենսգրքի 150-րդ հոդվածով («Ընտրությունների կամ քվեարկության արդյունքները կեղծելը»): Նշված քրեական գործով առաջին դատական նիստը կկայանա վաղը` հունիսի 16-ին` ժամը 14:00-ին, Մալաթիա-Սեբաստիա համայնքի առաջին ատյանի դատարանում (Օտյան փողոց 52/3): Հիշեցնենք, որ համաձայն մեղադրական եզրակացության` Ն.Եղիազայանը և Ա.Օհանյանը մեղադրվում են այն բանում, որ հանդիսանալով Երևանի ավագանու ընտրությունների ընթացքում ձևավորված թիվ 8 ընտրատարածքի 5-րդ տեղամասայի ընտրական հանձնաժողովի անդամներ, սույն թվականի մայիսի 31-ին թվով 16 ընտրողների կողմից քվեաթերթիկները քվեատուփերի մեջ անձամբ չգցելու հան•գամանքից օգտվելով` քվեաթերթիկները պատճենահանալու միջոցով քվեարկել են Հայաստանի Հանրապետական կուսակցության օգտին: