Տեսանյութեր
Լուսանկարներ
Հուշ-ցերեկույթ` ԼՂՀ առաջին գումարման Գերագույն խորհրդի պատգամավորի հիշատակին
Այսօր ԼՂՀ Ազգային ժողովի գրադարանում անց է կացվել հուշ-ցերեկույթ` նվիրված ԼՂՀ առաջին գումարման Գերագույն խորհրդի պատգամավոր ու քարտուղար, պատմական գիտությունների թեկնածու Վլադիկ Հակոբյանի հիշատակին` ծննդյան 60-ամյակի կապակցությամբ:
Ինչպես հայտնում են ԱԺ մամուլի ծառայությունից, միջոցառմանը ներկա էին պատգամավորներ, Վլադիկ Հակոբյանի գործընկերներ, մտերիմ ընկերներ, հարազատներ: Բացելով միջոցառումը, ԱԺ նախագահ Աշոտ Ղուլյանը կարեւորեց վաղամեռիկ պատմաբան-գիտնականի, քաղաքական ու պետական գործչի թողած նշանակալի ավանդն ինչպես պատմագիտության, նույնպես եւ Արցախի նորանկախ պետական շինարարության ասպարեզներում: Ինչպես ընդգծեց խորհրդարանի նախագահը, «Վլադիկ Հակոբյանն այն առաջին քաղաքական գործիչներից է, ովքեր ԼՂՀ առաջին խորհրդարանում դրեցին պետական կառավարման դպրոցի հիմքերը»:
Վլադիկ Հակոբյանի մասին գնահատանքի խոսքով եւ հուշերով հանդես եկան առաջին գումարման ԳԽ անդամներ, նրա ընկերներն ու ծանոթները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել