Տեսանյութեր
Լուսանկարներ
Ուժայիններն արգելել են բողոքի ակցիայի անցկացումը
Այսօր` ժամը 11.00-ին, ՀՀ Նախագահի նստավայրի մոտ, Վրաստանի նախագահ Մ. Սահակաշվիլու այցի առթիվ, «Միտք» վերլուծական կենտրոնը ծրագրել էր անցկացնել բողոքի ակցիա: Սակայն մինչ ակցիայի սկսվելը նախագահականի մոտ կուտակվել են բազմաթիվ ոստիկաններ եւ կարմիր բերետավորներ:
«Հետքի» թղթակիցը փոխանցում է, որ նրանք թույլ չեն տվել բողոքականներին հավաքվել նախագահականի մոտ: Ակցիայի կազմակերպիչներից ոմանք փորձել են նախագահական նստավայրի դիմաց` «Սիրահարների զբոսայգու» ճաղավանդակներին, փակցնել տարբեր կոչերով պաստառներ: Սակայն ոստիկանները պոկել են «Վերջ տվեք Ջավախքում հայ ակտիվիստների նկատմամբ հալածանքներին», «Վերադարձրեք հայկական եկեղեցիները», «Կատարեք ձեր ստանձնած պարտավորությունները»եւ նմանատիպ բովանդակությամբ պաստառները:
Ոստիկանները ստիպել են մարդկանց լքել տարածքը` պատճառաբանելով, որ պատրաստվում են մաքրել մայթեզրը: Այս պահին նստավայրի մոտակայքում միայն ուժայիններն են:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել