Հացահատիկի ցածր բերքատվությունը մտահոգում է ղարաբաղցիներին
Ղարաբաղում հացահատիկի բերքատվության ցուցանիշն այս տարի ցածր է:
Պատգամավոր Օլեգ Գրիգորյանը հետաքրքրվել է, թե ինչ համալիր միջոցառումներ են իրականացվելու մնացած բերքի անկորուստ հունձը կազմակերպելու համար:
Ի պատասխան ԼՂՀ գյուղատնտեսության նախարար Արմո Ծատուրյանը, տեղեկացրել է, որ կատարվել է շուրջ 6628 հեկտար հունձ, սակայն միջին բերքատվությունը 11 ցենտներից դեռ չի բարձրանում: Պատճառն ըստ նրա մկնանման կրծողների անհամեմատ մեծ թվով առկայությունն է:
Նախարարն անդրադառնալով նաեւ Մարտունու շրջանի հողատարածքներին, նշել է, որ շատ ցածր է բերքատվությունը շրջանի դաշտային մասում, իսկ մյուս մասերում բերքահավաքի անկուրուստ կազմակերպման նպատակով արդեն ստեղծվել են համապատասխան շտաբեր, գործում են շրջիկ ճամբարներ` համապատասխան մասնագետներով եւ տեխնիկայով:
«Կառավարության պահուստային ֆոնդից 15 մլն դրամ է հատկացվել վերոնշյալ միջոցառումների կազմակերպման համար, արդեն բենզինն ու դիզվառելիքն էլ է ձեռքբերված»,-հավելել է գյուղնախարարը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել