Հուլիսի 2-3-ը Հայաստանի արտգործնախարար Էդվարդ Նալբանդյանի  հրավերով երկօրյա աշխատանքային այցով Հայաստան կժամանի ԵԱՀԿ գործող նախագահ, Հունաստանի արտգործնախարար Դորա Բակոյանիսը: Այցի ընթացքում նախատեսվում են Հունաստանի արտգործնախարարի հանդիպումները Հայաստանի նախագահ Սերժ Սարգսյանի եւ արտգործնախարար Էդվարդ Նալբանդյանի հետ: Հայաստանի ԱԳՆ մամուլի և տեղեկատվության վարչությունը տեղեկացնում է, որ նախարար Նալբանդյանի եւ Դորա Բակոյանիսի հանդիպումը տեղի կունենա հուլիսի 3-ին, ժամը` 10.00: Հանդիպումից հետո, ժամը` 11.00 ԱՆ ասուլիսների սրահում տեղի կունենա արտգործնախարարների համատեղ ասուլիսը: