ՀԱԿ-ի տարածած մամլո հաղորդագրության համաձայն, այսօր ժամը 20.00-ի սահմաններում Երեւանի Աբովյան փողոցում անհայտ անձանց մի խումբ հարձակվել է Հայ Ազգային կոնգրեսի հանրահավաքի իրազեկումն իրականացնող խմբի վրա: Փորձելով երտասարդներից խլել բարձրախոսը եւ թռուցիկները հարձակվողները հարվածներ են տեղացել իրազեկողների վրա: Արդյունքում Կոնգրեսի համակիրներ Սահակ Մուրադյանը, Հերբերթ Գեւորգյանը եւ Տիգրան Առաքելյանը տարբեր վնասվածքներով տեղափոխվել են հիվանդանոց: