ՃՈ պետ Մարգար Օհանյանի դիրքերը թուլացել են եւ համակարգում խոսում են, որ նա արձակուրդից չի վերադառնալու: Պարզվում է` արդեն մոտ մեկ ամիս է, ինչ ոստիկանության 6-րդ վարչությունը ստուգումներ է անում ՃՈ համակարգում:

Այդ ընթացքում մի շարք խախտումներ են հայտնաբերվել, որոնց թվում ամենաաղմկոտը ՃՈ 2-րդ գումարտակի հրամանատար Ստեփան Կարախանյանի թերացումներն են: «Հրապարակի» աղբյուրը նշում է, որ նրան կասկածում են 40 տոննա բենզինի յուրացման մեջ:

Ստուգումները շարունակվում են, եւ դրանք ուղղված են Մարգար Օհանյանի պաշտոնանկության համար հող նախապատրաստելուն:  Ընդ որում՝ սրա հետեւում կանգնած է ոստիկանապետ Ալիկ Սարգսայնը, որը մտադիր է ամեն գնով հասնել իր ենթակայի պաշտոնաթողությանը: