«ՀԺ». կարող ա՞ Սերժ Սարգսյանն անձամբ է կրակել
Օգոստոսի 15-ին «Հարսնաքար» ռեստորանային համալիրում հնչած կրակոցների փաստով քրեական գործ դեռեւս չի հարուցվել: Այս մասին երեկ մեզ հայտնեցին ՀՀ ոստիկանությունից:, ասացին նաեւ, որ դեռեւս նյութեր են նախապատրաստվում:
Կրակոցների հետեւանքով ոսկրային կոտրվածքներ են ստացել 2 հոգի, որոնք ավելի ուշ վիրահատվել են եւ դեռեւս գտնվում են հիվանդանոցում: Այն մասին, որ տեղի ունեցածի վերաբերյալ քրեական գործ չի հարուցվի, խոսվում էր դեռեւս դեպքի օրվանից:
Ըստ որոշ տեղեկությունների՝ վիրավորներից մեկը ռեստորանային համալիրի սեփականատիրոջ՝ ԱԺ պատգամավոր Ռուբեն Հայրապետյանի, մյուսը՝ Սերժ Սարգսյանի եղբոր՝ Սաշիկ Սարգսյանի թիկնապահն է:
Այս տեղեկությունները մինչ օրս ոչ հաստատվել են, ոչ հերքվել: Սակայն փաստն ինքնին, որ մինչ օրս, հնչած կրակոցների առիթով, քրգործ չի հարուցվել, խոսում է շատ բանի մասին:
Ակնհայտ է, որ կրակողների նկատմամբ քրեական հետապնդում հարուցելը վեր է Հայաստանի Հանրապետության օրենքների եւ իրավապահ մարմինների հնարավորությունից: Կարող ա՞ Սերժ Սարգսյանն անձամբ է կրակել
Մեկնաբանել