Քիչ առաջ ավարտվեց «Մանկական Եվրատեսիլ-2009» երգի մրցույթի հայաստանյան նախընտրական փուլը: Ներկայացված յոթ թեկնածուներից հեռուստադիտողների SMS քվերակությամբ եւ պրոֆեսիոնալ ժյուրիի գնահատականներով ընտրվեց 11-ամյա Լուարա Հայրապետյանը: Նա նոյմբերի 21-ին Հայաստանը կներկայացնի Ուկրաինայի մայրաքաղաք Կիեւում: Ֆուտբոլային թեմայով «Բարսելոնա» երգի երաժշտության եւ խոսքերի հեղինակը Լուարան է: Նա ներկայացնում է Նադեժդա Սարգսյանի ղեկավարած «Դո Ռե Մի» մանկապատանեկան կենտրոնը: Նշենք, որ այս տարի «Մանկական Եվրատեսիլ»-ին կմասնակցեն 13 պետություններ: