Տեսանյութեր
Լուսանկարներ
Ներսես Երիցյանի գլխավորած պատվիրակությունը վաղը կմեկնի Թբիլիսի
Հուլիսի 19-ին երկօրյա աշխատանքային այցով Թբիլիսի կմեկնի Էկոնոմիկայի նախարար Ներսես Երիցյանի գլխավորած պատվիրակությունը:
Պատվիրակության կազմում են ՀՀ տրանսպորտի և կապի նախարարի առաջին տեղակալ Հրանտ Բեգլարյանը, ՀՀ պետական եկամուտների կոմիտեի նախագահի տեղակալ Արտակ Շաբոյանը, ՀՀ տրանսպորտի և կապի նախարարության արտաքին կապերի վարչության պետ Գագիկ Գրիգորյանը և ՀՀ պետական եկամուտների կոմիտեի հարկ վճարողների սպասարկման և հարկային ընթացակարգերի վարչության պետ Գագիկ Քառյանը:
էկոնոմիկայի նախարարության տեղեկատվության և հասարակայնության հետ կապերի բաժինը տեղեկացնում է, որ, այցի շրջանակներում պատվիրակությունը հանդիպումներ կունենա Վրաստանի վարչապետ Նիկա Գիլաուրիի, էկոնոմիկայի զարգացման նախարար Լաշա Ժվանիայի, Տարածաշրջանային զարգացման և ենթակառուցվածքի նախարար Դավիթ Տղեշելաշվիլիի հետ:
Նախատեսվում է նաև հանդիպում Վրաստանի նախագահ Միխայիլ Սահակաշվիլիի հետ:
Հանդիպումների ընթացքում հիմնական քննարկումները կծավալվեն «Հյուսիս-Հարավ» տրանսպորտային միջանցքի նախագծի իրագործման հետ կապված հարցերի շուրջ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել