Ֆուտզալի ՀՀ չեմպիոն Երևանի «Էրեբունի» ակումբը օրեր առաջ վերադարձել է Կիպրոսից, ուր մասնակցել է Եվրոպայի գավաթի խաղարկության որակավորման մրցաշարին:

Երևան չի կարողացել վերադառնալ ակումբի նախագահ Արման Այվազյանը: Վերջինս ձերբակալվել է Կիպրոսում` կեղծ փաստաթղթեր օգտագործելու մեղադրանով: Այս փաստը երեկ թերթի հետ զրույցում հաստատել է Հայաստանում Կիպրոսի դեսպանատան աշխատակիցները: Դեսպանատան թերթի աղբյուրները տեղեկացրել են նաև, որ իրենց հասած լուրերի համաձայն, խոսքը բանկային կեղծ քարտերի օգտագործման մասին է, ու չի բացառվում, որ տվյալ գործի շրջանակներում որպես մեղադրյալ ներգրավվեն այլ հայաստանցիներ ևս:

Առայժմ հայտնի չէ, թե ում մասին է խոսքը: Հայաստանի ֆուտբոլի ֆեդերացիայի պատասխանատուները միջադեպը համարում են մասնավոր դեպք, ինչը կապ չունի ֆոտբոլի հետ, սակայն ստվեր է գցում ֆեդերացիայի աշխատանքների վրա: