Այսօր առավոտյան ժամը 9:30-ի սահմաններում «ՎՏԲ» բանկի Երևանի Բաղրամյան 56 հասցեում գտնվող թիվ 4 մինի-մասնաճյուղի վրա կատարվել է ավազակային հարձակում: Հարձակվողները հափշտակել են մոտ 5 մլն դրամ: «ՎՏԲ» Հայաստան բանկի մամուլի ծառայությունից «Հետքին» տեղեկացրին, որ բանկի միակ վնասվածքներ ստացած աշխատակիցը տեղափոխվել է հիվանդանոց, սակայն նրա կյանքին վտանգ չի սպառնում: Կատարվածի հանգամանքները պարզելունպատակով բանկի անվտանգության աշխատակիցները համագործակցում են իրավապահ մարմինների հետ: Ոստիկանության հասարակայնության հետ կապերի բաժնից մեզ տեղեկացրին, որ դեռևս մանրամասներ հայտնի չեն: