Հուլիսի 31-ին Մալթայի մայրաքաղաք Վալետայի «Հիլթոն» հյուրանոցում կանցկացվի վերջերս պաշտոնապես գրանցված հայ համայնքի առաջին համաժողովը, որի ընթացում էլ կընտրվի համայնքի ղեկավարը: Սփյուռքի նախարարության մամուլի և հասարակայնության հետ կապերի վարչությունը տեղեկացնում է, որ կառույցն արդեն գործարկել է իր եռալեզու (հայերեն, անգլերեն, ռուսերեն) պաշտանական www.malta-armenia.eu  կայքը: Կայքի պատասխանատու Իլոնա Սարուխանյանի  տեղեկացմամբ, նախատեսվում է, որ համայնքը Վալետայում կբացի հայկական կիրակնօրյա դպրոց, ինչպես նաեւ քաղաքի փողոցներից մեկում կտեղադրի Հայոց ցեղասպանության զոհերի հիշատակը հավերժացնող խաչքար: Կայքի պատասխանատուի հավաստմամբ` Մալթայում ապրում է 300-350 հայ: