Նախօրեին` ժամը 00.30-ի սահմաններում, ոստիկանության Քանաքեռ-Զեյթունի բաժնում ահազանգ է ստացվել, որ Սարկավագի փողոցի 128 ա շենքի 4-րդ բնակարանում տղամարդու դիակ կա։ Բնակարանում հայտնաբերել է 1957 թ. ծնված Հենրիկ Մադոյանի դին՝ բռնի մահվան հետքերով։ Ըստ դատաբժշկի նախնական եզրակացության՝ դիակի վրա հայտնաբերվել է սուր-կտրող-ծակող գործիքի 46 թափանցող վերք։ «Ոստիկանության Սյունիքի մարզային վարչության աշխատակիցների ձեռնարկած միջոցառումների շնորհիվ նշված սպանությունը կատարելու կասկածանքով ժամեր անց բերման է ենթարկվել Մեղրի քաղաքի բնակչուհի, 32-ամյա Գոհար Ազարյանը։ Նախաքննությունը շարունակվում է, հանգամանքները պարզվում են»,- տեղեկացնում է ոստիկանության լրատվության վարչությունը։