Լոս Անջելեսում Հայաստանի գլխավոր հյուպատոսության հայտարարությունը «Հյուպատոսությունն ի գիտություն է ընդունել ԱՄՆ դատախազության Կալիֆոռնիայի կենտրոնական շրջանի գրասենյակի հայտարարությունը, որտեղ նշվում է անօրինական գործունեություն կատարելու մեղադրանքով Լոս Անջելեսում բնակվող հայազգի 5 անձանց ձերբակալման մասին: Մենք պատրաստ ենք սերտորեն համագործակցել ԱՄՆ իրավապահ մարմինների հետ` շահագրգռված լինելով հարուցված քրեական գործի հանգամանքների շուտափույթ բացահայտման մեջ: Հյուպատոսությունը ակնկալում է առավել մանրամասն տեղեկատվություն ստանալ ամերիկյան կողմից գործում առկա փաստերի` մասնավորապես մեղադրվող անձանց կողմից հյուպատոսության պաշտոնական փաստաթղթերի կեղծման վերաբերյալ: Ինչ վերաբերում է Լոս Անջելեսում ՀՀ գլխավոր հյուպատոսության մեղադրվող նախկին երկու աշխատակիցներին, ապա Նորայր Ղալումյանը 2002 թվականից չի աշխատում Լոս Անջելեսում ՀՀ գլխավոր հյուպատոսությունում, իսկ 2003 թվականին ազատվել է ԱԳՆ համակարգում աշխատանքից եւ մշտական բնակություն հաստատել ԱՄՆ-ում: ԱՄՆ քաղաքացի Հակոբ Հովհաննիսյանը հյուպատոության տեխնիկական անձնակազմի անդամ է եղել և ազատվել է աշխատանքից 2007 թվականին»: