Տեսանյութեր
Լուսանկարներ
Դավիթ Շահնազարյան. «Ես չեմ կարող հաստատել կամ ժխտել»
ՀՀԿ փոխնախագահ Գալուստ Սահակյանը օրերս հրապարակված իր նակամում նշել է, որ ՀՀ նախագահ Լևոն Տեր-Պետրոսյանը 1992 թ. ռուսական «Կոմսոմոլսկայա պրավդա» թերթին տված հարցազույցում ասել է, որ Հայաստանը կողմ է, որ Արցախը մնա Ադրբեջանի կազմում ինքնավար հանրապետության կարգավիճակով:
Այս մասին այսօր կազմակերպված մամուլի ասուլիսի ժամանակ հարց ուղղվեց ՀԱԿ ներկայացուցիչ Դավիթ Շահնազարյանին:
«Ես հո Գալուստին չեմ մեկնաբանելու: Գալուստը ծառայում է էս իշխանություններին»,- աասաց Դավիթ Շահնազարյանը` հավելելով, որ լրագրողն ինքը կարող է ստուգել, թե արդյոք նման հրապարակում եղե՞լ է, թե՞ ոչ:
Լրագրողն ասաց, որ արխիվներում փնտրել են, բայց թերթը չեն գտել: «Դե ուրեմն էդ հարցով դիմեք Գալուստ Սահակյանին»,- ասաց Դավիթ Շահնազարյանը:
Նրա խոսքերով` Գալուստ Սահակյանին Արցախի հարցը պետք է միայն ներկայիս իշխանությունը պահելու համար, «շահարկելու համար, ինչ որ արվել է 98 թ.-ից սկսած»:
«Այսինքն` նման բան չի՞ եղել»,- հարցրեց լրագրողը:
«Ես չեմ կարող հաստատել կամ ժխտել: Կարող է և եղել է: Հետո ի՞նչ: Գալուստի հետ պարզեք այդ հարցերը»,- պատասխանեց Դավիթ Շահնազարյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել