Հուլիսի 30-ին Փրկարար ծառայությունում Սյունիքի մարզից տեղեկություն է ստացվել, որ ժամը 11.50-ին հրդեհ է բռնկվել Կապան-Քաջարան ավտոճանապարհի 14-րդ կիլոմետրում: Դեպքի վայր մեկնած մարտական հաշվարկը հրդեհը մարել է 13.00-ին: Փրկարար ծառայության մամլո գրասենյակի հաղորդմամբ` Սյունիքի մարզի «Հարավային էլեկտրացանց» ՓԲԸ-ի «Դավիթ-Բեկ» մասնաճյուղի թիվ 35-10 ենթակայանում այրվել են մալուխներ ու սարքավորումներ: