Հրատարակվել է «Հետք» էլեկտրոնային թերթի տպագիր տարբերակով երկրորդ համարը, որում տեղ են գտել սոցիալ-իրավական, տնտեսական, բնապահպանական, մշակութային թեմաներով հոդվածներ և վերլուծություններ: Մի խումբ ուսանողներ այսօր այն անվճար բաժանում են Երևանի տարբեր համայնքներում: Ինչպես առաջին, այնպես էլ 5000 տպաքանակով լույս տեսած հերթական համարը կտարածվի Հայաստանի բոլոր մարզերում և Արցախում: Իսկ սեպտեմբերից թերթն ընթերցողներին կներկայանա շաբաթական պարբերականությամբ, որում կտպագրվեն նաև լրագրողական հետաքննություններ: Բաժանորդագրության գինը մեկ տարվա համար` 10 800, վեց ամսվա համար` 5400, երեք ասմվա համար` 2700 դրամ է: Շաբաթաթերթի յուրաքանչյուր համարը կարժենա 200 դրամ: Համոզված ենք, որ մեզ կընթերցեք մարզերում, հեռավոր գյուղերում, Արցախում, իսկ այն ընթերցողները, ովքեր հնարավորություն ունեն տարվա ընթացքում 30 դոլար հատկացնել` բաժանորդագրվելու որեւէ սահմանամերձ գյուղի դպրոցի, գրադարանի կամ որեւէ ընտանիքի համար, խնդրում ենք անպայման արձագանքել: Եթե յուրաքանչյուր մարզում «Հետքն» ունենա 100 բաժանորդ, ապա կկարողանա այդ մարզերում ունենալ թղթակիցներ: Աջակցեք մեզ, մեր անկախությանը և արդյունավետ աշխատանքին. դա կախված է նաև Ձեզնից: Բաժանորդագրության համար կարող եք դիմել հետեւյալ կազմակերպություններին` «Պրեսս Ատաշե» ՍՊԸ Հասցե` ք. Երեւան, Բաղրամյան 45/10 Հեռ.` (+374 10) 27 02 22, 27 82 55 e-mail: [email protected] «Բլից Մեդիա» ՍՊԸ Հասցե` ք. Երեւան, Ագաթանգեղոսի 6 Հեռ.` (+374 10) 52 53 01, 58 17 13 e-mail: [email protected] «Հայմամուլ» ՓԲԸ Հասցե` Երեւան, Սասունցի Դավթի հրապ. 2 Հեռ.`(+374 10) 45 89 17, 45 06 71 «Հայփոստ» ՓԲԸ Հասցե`Երեւան, Սարյան փող., շենք 22 Հեռ.`(+374 10) 51 45 47 «Պրես Ստենդ» ՍՊԸ Հասցե` ք, Երեւան, Արշակունյաց 2, 5-րդ հարկ Հեռ.`(+374 10) 54 41 99, 52 21 99 Կանխավ շնորհակալություն: