Իրանի Իսլամական Հանրապետության վերընտրված նախագահ Մահմուդ Ահմադինեժադի երդմնակալության ընթացքում առնվազն 10 ցուցարարներ են ձերբակալվել, տեղեկացնում են արտասահմանյան լրատվամիջոցները: Այսօր առավոտյան կայացած երդման արարողության ժամանակ Իրանի խորհրդարանի շենքը ոստիկանների հսկողության տակ է եղել, որպեսզի ցուցարարները չկարողանան խանգարել միջոցառմանը: Ցուցարարների եւ ոստիկանների միջեւ ուժեղ բախումներ չեն եղել, բայց կան ձերբակալվածներ: