«Միասնական Ջավախք» ժողովրդավարական դաշինքի առաջնորդ Վահագն Չախալյանին Թբիլիսիի մեկուսարանից տեղափոխել են Ռուսթավիի դատապարտյալների գաղութ: Տեղափոխումը կապված է եղել առաջին ատյանի դատարանի դատավճռի` ուժի մեջ մտնելու հետ: Նրան այցելել են պաշտպանները: Դատապարտյալների նկատմամբ պայմաններն ավելի մեղմ են, քան Թբիլիսիի մեկուսարանում, սակայն 14 հոգու համար նախատեսված խցում 17 բանտարկյալներ են տեղավորված: Նրանք մահճակալներից օգտվում են հերթափոխով: «Երկիր» միության ծրագրերի համակարգող Ռոբերտ Թաթոյանի փոխանցմամբ` Չախալյանին թույլատրել են գրքերից օգտվել, սակայն Թբիլիսիի մեկուսարանից թույլ չեն տվել իր հետ վերցնել բանաստեղծությունների տետրը: Հիշեցնենք, որ Վ. Չախալյանի վերաքննիչ բողոքի դատալսումը հետաձգվել էր մինչև սեպտեմբերի 18-ը: