«Բջնին» դիմել է Եվրոպական դատարան Սուքիասյանների ընտանիքի «Բջնի» հանքային ջրերի գործարանը դիմել է Մարդու իրավունքների եվրոպական դատարան: Նրանք պետության կողմից գործարանին հասցված նյութական ու բարոյական վնասն ամբողջությամբ գնահատել են 124.194.940 եվրո` ներառյալ ծախսերն ու ծախքերը: Գործարաանի շահերը ներկայացնող փաստաբան Արա Զոհրաբյանը ասել է, որ ընկերությունը շարունակում է վնասներ կրել, որոնք «Սիլ կոնցեռնում» այժմ հաշվարկվում են: ՄԻԵԴ-ին ուղղված դիմումի հիմքում ներպետական ատյաններով անցած այն երկու գործերն են, որոնցում «Բջնին» պարտվել էր: Ի՞նչ պետք է անի իշխանությունը Ինչպե՞ս է վերաբերվում ՀԱԿ անդամ, պաշտպանության նախկին փոխնախարար Վահան Շիրխանյանը ՀՀԿ-ական պատգամավոր Գալուստ Սահակյանի այն տեսակետին, թե ԼՂՀ և հայ-թուրքական հարցերում արագացված գործընթացներ չկան, որոնք կհանգեցնեն մեր երկրում քաղաքական փոփոխությունների: «Առավոտի» հարցին Շիրխանյանը պատասխանեց. «Ո՞րն է, ըստ Գալուստ Սահակյանի, «համընթաց զարգացումը»: Այն, որ աշխարհն աշխատում է հօգուտ Ադրբեջանի՞: Իսկ դրա փաստերը բազմաթիվ են: Համընթաց զարգացում կլիներ այն դեպքում, եթե գոնե դիվանագիտական բացահայտ պարտությունից հետո Հայաստանի իշխանությունները փորձեին հասարակության մեջ համերաշխություն ստեղծել և սկսեին Արցախի բնակեցման ու կառուցման գործընթացը»: Իշխանությունները չեն հիշել Օգոստոսի 10-ին Երվանդ Մանարյանի 85-ամյակն էր: Նրան շնորհավորել են Վահան Շիրխանյանը, Թատերական գործիչների միության նախագահ Հակոբ Ղազանչյանը, և Րաֆֆի Հովհաննիսյանը շնորհավորական նամակ է ուղարկել: Իշխանություններն ընդդիմադիր հայացքներ ունեցող ճանաչված դերասանին չեն հիշել: Հայ-մոնղոլ-թաթարական ազգային համաձայնության կառավարություն Ըստ որոշ լուրերի` միջազգային հանրությունը Հայ ազգային կոնգրեսին հայ-թուրքական հարաբերությւոնների և Ղարաբաղի հարցում կաշկանդելու համար` ստիպում է իշխանությանը Հայաստանում արտահերթ խորհրդարանական ընտրություններ անել և ՀԱԿ-ին մանդատներ տալ: Ազգային ժողովում տեղ կունենան նաև ԲՀԿ-ն, ՀՀԿ-ն, «Ժառանգությունը»: