«ՀԺ». սովորական միջադեպ
ՀՀ ոստիկանապետ Ալիկ սարգսյանը երեկ պաշտոնապես հայտարարել է, որ ՀՀ ԱԺ պատգամավոր Ալեքսանդր Սարգսյանի որդիները կապ չունեն «Հարսնաքարի»՝ օգոստոսի 15-ի միջադեպի հետ եւ որ նրանք այդ օրը հանրապետությունում չեն եղել:
Իսկ նման հայտարարությամբ Ալիկ Սարգսյանը հանդես է եկել այն բանից հետո, երբ «ՀԺ» թղթակիցը ոստիկանապետից հետաքրքրվել է, թե ինչպես է պատահել, որ այդ միջադեպի առնչությամբ քրեական գործը հարուցվել է միայն ՀՀ գլխավոր դատախազի ցուցումից հետո:
«Մնացած շահարկումները, այս-այն անձանց վերաբերյալ՝ սա է եղել, նրա տղան է եղել, այդ բոլորն իրականությանը չեն համապատասխանում: Ձեր ակնարկած մարդիկ դեպքի օրն ընդհանրապես Հայաստանում չեն եղել»,- ասել է ոստիկանապետը: Նա նաեւ հստակեցրել է, որ ինքը նկատի ունի Ա. Սարգսյանի (Սերժ Սարգսյանի եղբոր) որդիներին:
Ի պաշտպանություն վերջիններիս՝ երեկ հաղորդագրություն է տարածել նաեւ ոստիկանությունը: Ալիկ Սարգսյանի ասելով էլ՝ անհրաժեշտ է պարզել միայն, թե երկու հոգու ատրճանակից վիրավորվելն իսկապես անզգուշությա՞ն արդյունք է եղել, թե՞ ոչ:
Ակնհայտ է, որ այդպես էլ կորոշեն, քանի որ, ոստիկանապետի պնդմամբ, տեղի ունեցածը «սովորական միջադեպ է՝ հարսանիքի ժամանակ»:
Մեկնաբանություններ (2)
Մեկնաբանել