Երիտասարդ առաջնորդների դպրոցը տեղեկացնում է, որ շարունակում է «Ճանաչենք Հայաստանը» խորագրով ցուցահանդեսների շարքը այս անգամ ԼՂՀ անկախության օրվան նվիրված «Ճանաչենք Հայաստանը. Արցախ» խորագրով ցուցահանդեսով: Այն տեղի կունենա սեպտեմբերի 2-ից  4-ը՝ 16:00-21:00 «Սիրահարների այգում»:

Ցուցահանդեսի նպատակն է Երևանում նշել Արցախի անկախության օրը և մայրաքաղաքի բնակիչներին ծանոթացնել Արցախի տեսարժան վայրերի ու պատմամշակութային բացառիկ կոթողների հետ: Ցուցահանդեսում ներկայացված կլինեն Արցախի տեսարժան վայրերն ու պատմամշակութային արժեքներն ամփոփող լուսանկարներ:

Ցուցահանդեսի հեռահար նպատակներից են՝ վերացնել Արցախի և Երևանի երիտասարդական շրջանակների միջև աշխարհայացքային անջրպետները, ստեղծել մշակութային և կրթական համատեղ երիտասարդական ծրագրերի իրականացման ուղղությամբ Արցախ-Հայաստան համագործակցության արդյունավետ մեխանիզմներ, ապահովել արժեհամակար­գային հիմքեր ազգային միասնականության գիտակցման և տեղային հայրենա­սիրության սահմանափակության հաղթահարման համար, ինչպես նաև խթանել դեպի Արցախ ներքին զբոսաշրջիկների հոսքը:

Ցուցահանդեսի պաշտոնական բացումը տեղի կունենա սեպտեմբերի 2-ին, ժամը 16:00-ին:

Միջոցառմանը հրավիրված են՝ Հայաստանում ԼՂՀ ներկայացուցիչ Կարլեն Ավետիսյանը, տուրիստական գործակալությունների ներկայացուցիչներ, երիտասարդական ՀԿ-ների ներկայացուցիչներ և այլն: