«Հայաստան» համահայկական հիմնադրամը տեղեկացնում է, որ «Օրորոց» ծրագրի շրջանակում օգոստոսի 25-ին Տավուշի մարզում նորածին (մինչեւ 1 տարեկան) երեխաներ ունեցող եւ նպաստառու ճանաչված 30 ընտանիքների հանձնեց փոքրիկների խնամքի համար նախատեսված փաթեթներ`  հիգիենայի պարագաներ ու հագուստեղեն: Բարեգործությունն իրականացվեց գերմանացի Վայդեման ամուսինների շուրջ 5 000 եվրո նվիրատվության շնորհիվ: Բերդ քաղաքի բնակչուհի նպաստառու Գոհար Մխիթարյանը, հավատում է, որ նման ուշադրությունն օգնում է իրենց պես ծանր պայմաններում ապրող ընտանիքներին թեթեւացնել առօրյա հոգսերը եւ ջերմություն պարգեւում: «Օրորոց» ծրագիրը, գործում է 2002-ի հունիսի 1-ից, և 1150 ընտանիք աջակցություն է ստացել: Ծրագրի նպատակն է երեխայի խնամքի կազմակերպման գործում աջակցել Հայաստանի Հանրապետության` նորածիններ ունեցող սոցիալապես անապահով ընտանիքներին: