Սեպտեմբերի 4-5-ին Ծաղկաձորի «Multi rest House» հանգստյան տանը տեղի կունենա ԱՅՍԵԿ Հայաստանի քսանամյակին նվիրված համագումար, որի շրջանակներում պաշտոնապես կհիմնադրվի ԱՅՍԵԿ-ի շրջավարտների ասոցիացիան, որը կանդրադառնա Հայաստանում երիտասարդության և ձեռնարկատիրության հիմնախնդիրների լուծմանը: Միջոցառմանը կմասնակցեն Հայաստանի և նախկին ԽՍՀՄ տարածաշրջանից ԱՅՍԵԿ Հայաստանի հիմնադիրները, շրջանավարտները, գործընկերները, միջազգային հյուրեր, ԱՅՍԵԿ-ի առկա անդամները, և այլոք: Համաժողովի նպատակներն են. ·    Ստեղծել երկխոսության դաշտ առաջադեմ երիտասարդության և փորձառու, գիտակ մասնագետների միջև՝ քննարկելու և առաջարկելու սոցիալական և տնտեսական տարբեր հիմնախնդիրների նորարական լուծումներ: ·    Ամփոփել քսանամյա գործունեությունը, արձանագրել ձեռք բերված արդյունքները: ·    Ստեղծել ԱՅՍԵԿ Հայաստանի տարբեր սերունդների ասոցիացիա, որը կանդրադառնա Հայաստանում երիտասարդության և ձեռնարկատիրությանը վերաբերվող հիմնախնդիրներին և կնախաձեռնի ծրագրեր այդ ուղղություններով: Համագումարին կմասնակցեն բարձրաստիճան պաշտոնյաներ, ովքեր հանդիսանում են ԱՅՍԵԿ Հայաստանի հիմնադիրները, որոնց թվում են ՀՀ Էկոնամիկայի նախարար Ներսես Երիցյանը և ՀՀ էկոնոմիկայի փոխնախարար Վահե Դանիելյանը,  ՄԱԿ-ի Աֆրիկա 1 սեկտորի խաղաղապաշտպանների ղեկավարի տեղակալ Արմեն Վահրադյանը, հաջողակ ձեռնարկատերեր և գործարարներ, տաղանդավոր երիտասարդներ և տեղական կազմակերպությունների ներկայացուցիչներ: Միջոցառման շրջականներում պատիվ ունենք հյուրընկալելու նաև «ԱԶՈՎՍՏԱԼ ԱՅՐՈՆ» ընկերության մարդկային ռեսուրսների բաժնի կառավարիչ Ախմեդ Բեդրեդինովին, ով հանդիսանում է ԱՅՍԵԿ ԽՍՀՄ-ի հիմնադիրներից մեկը: ԱՅՍԵԿ-ը հանդիսանում է աշխարհի ամենամեծ երիտասարդական կազմակերպությունը: Առկա ավելի քան 107 երկրներում ԱՅՍԵԿ-ը միջացգային հարթակ է հանդիսանում երիտասարդների համար բացահայտելու և զարգացնելու իրենց ներուժը: