Լույս է տեսել ԼՂՀ ատլասը` հայերեն եւ ռուսերեն լեզուներով
ԼՂՀ կառավարությանն առընթեր անշարժ գույքի կադաստրի պետական կոմիտեի պատվերով ՀՀ կառավարությանն առընթեր անշարժ գույքի կադաստրի պետական կոմիտեի երկրաբաշխության եւ քարտեզագրության կենտրոնի կողմից 2007-2009թթ. ընթացքում կազմվել եւ տպագրության է պատրաստվել ԼՂՀ ատլասը` հայերեն եւ ռուսերեն լեզուներով, որը վերջերս տպագրվել է Երեւանի «Տիգրան Մեծ» հրատարակչությունում:
Ատլասը լույս է տեսել 1500 օրինակ տպաքանակով: Խմբագրական կոլեգիայի նախագահն ու ատլասի գլխավոր խմբագիրն է տեխնիկական գիտությունների թեկնածու Մանուկ Վարդանյանը:
Ինչպես հայտնում են ԼՂՀ ԱԳՆ մամուլի ծառայությունից, ատլասը պատմա-աշխարհագրական տեսանկյունից ամբողջական պատկերացում է տալիս ԼՂՀ-ի մասին:
Ատլասում ամփոփված միջին եւ խոշոր մասշտաբների շուրջ 70 քարտեզները, տեքստերը եւ սխեմաները ԼՂՀ կազմավորման, աշխարհագրական դիրքի, բնական պայմանների եւ ռեսուրսների, բնակչության, տնտեսության եւ մշակույթի մասին բազմակողմանի տեղեկատվություն են պարունակում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել