Այսօր Վերաքննիչ քաղաքացիական դատարանում նշանակված էր «Հայկական Ժամանակ» օրաթերթի բողոքի լսումը: Դատավորը Տ. Նազարյանը արձանագրել է, որ «Հայկական Ժամանակից» որևէ ներկայացուցիչ չկա, ընդունել է բողոքը և հայտարարել, որ արդեն հոկտեմբերի 2-ին կհրապարակի որոշումը: Հիշեցնենք, որ «Հայկական ժամանակը» բողոքարկել էր դատավոր Ա. Մելքումյանի նախագահությամբ Ընդհանուր իրավասության դատարանի վճիռը: Համաձայն վճռի` «Հայկական ժամանակը» պարտավոր էր հերքել տպագրված այն տեղեկությունը, թե Ամանորից օրեր առաջ Դուբայում տեղի ոստիկանության կողմից հարբած վիճակում ձերբակալվել էր Լևոն Քոչարյանը: Ավելին, դատարանի վճռով, հօգուտ Լևոն Քոչարյանի պետք է բռնագանձվեր 3 մլն 620 հազար դրամ` որպես Լևոն Քոչարյանին արատավորող տեղեկությունների տարածմամբ վերջինիս պատճառված վնասի հատուցման գումար: