Հայաստանի Հանրապետության կենտրոնական ընտրական հանձնաժողովն այսօրվա նիստում համամասնական ընտրակարգով` Հայաստանի Հանրապետական կուսակցության ընտրական ցուցակից ՀՀ ԱԺ պատգամավոր է գրանցել Հովհաննես Միշայի Սահակյանին: Դրա համար ԿԸՀ-ն հիմք է ընդունել Ազգային Ժողովի՝ 2009 թ-ի սեպտեմբերի 15-ի` ԱԺ պատգամավոր Մյասնիկ Մալխասյանի պատգամավորական լիազորությունները դադարած համարելու մասին N 18 արձանագրությունը: Հիշեցնենք, որ Հանրապետական կուսակցության համամասնական ցուցակով ընտրված Մյասնիկ Մալխասյանը նախորդ տարվա նախագահական ընտրություններին սատարել էր առաջին նախագահ Լեւոն Տեր-Պետրոսյանին, իսկ մարտի 1-ի իրադարձություններից հետո ազատազրկվել էր, այնուհետեւ համաներվել: