Լևոն Տեր-Պետրոսյանի ելույթից հետո հանրահավաքն ավարտվեց և առաջին նախագահի առաջնորդությամբ սկսվեց երթը, որը պետք է ավարտվի Հյուսիսային պողոտայում: Մատենադարանի մոտից մեկնարկած երթի մասնակիցները վանկարկում էին տարբեր արտահայտություններ. «Լևոն, նախագահ», «Ազատ, անկախ, Հայաստան», «Սերժիկ, հեռացիր»...: Սակայն Հանրապետության հրապարակում, որտեղ հացադուլ և նստացույց են իրականացնում դաշնակցականները, երթի մասնակիցները սկսեցին միաձայն վանկարկել` «Մի-ա-ցում, մի-ա-ցում»: Ի պատասխան` դաշնակցականները սկսեցին երգել հայրենասիրական երգեր: